ភ្នំពេញ៖ ប្រធានផ្នែកទំនាក់ទំនងនិងសហប្រតិបត្តិការជាតិ-អន្តរជាតិនៃយុវជនគណបក្សថ្នាក់កណ្តាល លោក គីម រិទ្ធី បានដឹកនាំបើកវគ្គសិក្ខាសាលាស្តីពីការផ្លាស់ប្តូរបទពិសោធន៍ក្នុងការដឹកនាំ ដែលរៀបចំដោយយុវជនគណបក្សប្រជាជនកម្ពុជាថ្នាក់កណ្តាល និងក្រសួងទំនាក់ទំនងអន្តរជាតិនៃគណៈកម្មាធិការមជ្ឈឹមបក្សកុម្មុយនីស្តចិន។

នៅព្រឹកថ្ងៃពុធ ទី៨ ខែមិថុនា ឆ្នាំ២០២២ លោក គីម រិទ្ធី បានដឹកនាំបើកវគ្គសិក្ខាដែលមានការចូលរួមពីសមាជិក និងក្រុមជំនួយការនៃលេខាធិការដ្ឋាន និងផ្នែកទាំង១៥ នៃយុវជនគណបក្សថ្នាក់កណ្តាល សរុប ៣២រូប ចំណែកភាគីចិនដឹកនាំដោយ លោក គូ យីចូវ (GUO YEZHOU) អនុរដ្ឋមន្រ្តីក្រសួងទំនាក់ទំនងអន្តរជាតិនៃគណៈកម្មាធិការមជ្ឈឹមបក្សកុម្មុយនីស្តចិន៕